The world, in perspective.

مشرقی ایشیائی ملک تائیوان کے حکام نے دعویٰ کیا ہے کہ حال ہی میں پاکستان نے ان کی کم از کم دو ایئر لائنز کو اپنی فضائی حدود میں داخل ہونے کی اجازت دینے سے انکار کیا ہے۔ بین الاقوامی ذرائع ابلاغ کا دعویٰ ہے کہ یہ خبر سامنے آنے کے بعد پاکستان نے مبینہ طور پر’عجلت میں‘ اپنا فیصلہ واپس لے لیا ہے۔

انڈیا اور چین کے تعلقات میں 2020 کی سرحدی جھڑپوں کے بعد بہتری آ رہی تھی، لیکن ایک انڈین سرحدی افسر کے دعوے نے نئی کشیدگی کو جنم دیا ہے۔ ماہرین کے مطابق چین متنازع سرحدی علاقوں میں بتدریج اپنا اثر و رسوخ بڑھا رہا ہے، جبکہ انڈیا کی اپوزیشن مودی حکومت پر بیجنگ کے سامنے نرمی برتنے کا الزام لگا رہی ہے۔

اسلام آباد پولیس کا دعویٰ ہے کہ وفاقی دارالحکومت میں مبینہ ویزا فراڈ کا نشانہ بننے والی 23 سالہ طالبہ لائبہ اعجاز کی مبینہ خودکشی کے مقدمے میں گرفتار مرکزی ملزم محمد نعمان منگل کو پولیس مقابلے کے دوران اپنے ہی ساتھیوں کی فائرنگ سے ہلاک ہو گیا ہے۔

سعودی عرب میں مبینہ ’فحش حرکات‘ کے الزام میں سزائے موت پانے والی بنگلہ دیشی خاتون کے اہلخانہ کا دعویٰ ہے کہ انھیں یہ معلوم نہیں تھا کہ آیا اُن کی بیٹی نے کوئی ایسا جرم کیا تھا جس پر سزائے موت دی جا سکتی ہو اور یہ کہ سعودی عرب میں اُن کی بیٹی کی ایک دوست نے خاندان کو فون کر کے یہ اطلاع دی تھی کہ سزائے موت پر عملدرآمد کیا جا چکا ہے۔