– Kongeparet er på besøk til Trondheim og er på Stiftsgården delar av dagen i dag.

Det opplyser Slottet til NRK.

Kongeflagget er heist på Stiftsgården i Trondheim.

Foto: Venke Glørstad / NRK

Stiftsgården er den kongelege residensen i Trondheim. Kongeparet har også vore innom Nidarosdomen der dei skal signast til neste år.

Det nye kongeparet følger tradisjonen og gjer som sine forgjengarar når de nå har vald å bli signa i Nidarosdomen til sommaren.

Det var NTB som først meldte om det kongelege besøket.

Kongeparet i Erkebispegården i Trondheim.

Foto: Bent Lindsetmo / NRK

– Store forventingar, seier kongen om signinga

Tysdag var kongeparet også i Erkebispegården i Trondheim, der kronjuvelane er utstilte.

– Kva forventingar har kongeparet til signinga?

– Det har vi store forventingar til. Eg trur det blir veldig fint, svarar Kong Haakon på veg inn til å sjå på kronjuvelane.

Etter at kroning ble avskaffet i Norge, plasseres ikke kongekronen (t.v.) og dronningkronen på kongen og dronningens hoder, men står fremme ved signingen. Kongekronen så vi sist da den fulgte kong Haralds båre.

Foto: Ole Berg-Rusten, NTB

Under signinga i Nidarosdomen vil kongekrona og dronningkrona bli plasserte på kvar si side av høgalteret.

– Prata om den store tilstellinga

Både statsforvaltaren i Trøndelag og ordførar i Trondheim møtte kongeparet på Stiftsgården.

– Vi har fått ein hyggeleg invitasjon som både eg og statsforvaltaren har takka ja til, sa ordførar Kent Ranum på veg inn i Stiftsgården.

Kong Harald og dronning Sonja ler mens de lener seg tilbake iført hver sin frakk. Kong Harald har hvit marinehatt på hode. Kong Harald og dronning Sonja ler mens de lener seg tilbake iført hver sin frakk. Kong Harald har hvit marinehatt på hode.

Etter møtet var det to fornøgde trønderar som møtte pressen.

– Vi fekk ønska dei velkommen til byen og prata om den store tilstellinga til neste år, seier Ranum.

Ordførar i Trondheim, Kent Ranum, seier han gler seg til 22. august 2027.

Foto: Bjarte M. Johannesen / NRK

– Har de planlagd?

– Nei no er det heilt innleiande, tidleg fase. Men det er stas at dei er her og å kjenne konturane av den store tilstellinga til neste år, seier Ranum og held fram:

– Då er det viktig at vi gjer det vi kan for at det skal bli ei best mogleg helg, både for kongeparet, kongefamilien og nasjonen. Kongeparet gler seg dei også. Dette blir veldig bra.

Av andre frammøtte kom Alexander S. Jensen ekstra tett på kongeparet:

Alexander S. Jensen fekk eit bilete med både kongen og dronninga.

Publisert 17.11.2026, kl. 15.04 Oppdatert 17.11.2026, kl. 17.15

Source: NRK · Sunniva Skurtveit, Bent Lindsetmo

At a glance

Topic
World
Country
🇳🇴 NO
Publisher language
NO
Added to Allnira