Mann frå Sunnhordland pågripen i Spania

Politiet på Stord har, i samarbeid med spansk politi, pågripe ein mann i 30-åra i Spania.

Mannen, som er norsk statsborgar og busett i Sunnhordland, har vore internasjonalt etterlyst.

Han er sikta for fleire alvorlege straffbare forhold på Stord, mellom anna brannstifting, mishandling i nære relasjonar, valdtekt og narkotikabrotsverk, skriv politiet.

Vil få mannen utlevert

– Dette er ei sak vi har prioritert høgt og arbeidd med i over eitt år. Sakene er alvorlege og har kravd omfattande etterforsking, seier politiinspektør Kim Nedrehegg ved Stord politistasjon.

– Det har vore viktig for oss å bruke ressursar på dette arbeidet og vise at ein ikkje kan rømme landet for å unngå straffeforfølging, seier Nedrehegg.

Politiet vil no arbeide vidare med å få mannen utlevert til Noreg, slik at saka kan etterforskast ferdig og bli straffeforfølgd her. Men utleveringsprosessen, som går gjennom spanske rettsmyndigheiter, kan ta tid.

Publisert 29.10.2026, kl. 13.29 Oppdatert 29.10.2026, kl. 13.37